Smá breyting á áætlun vikunnar, tempóhlaup á þriðjudaginn þar sem hlaupahópur FH ætlar að fjölmenna í Flensborgarhlaupið og sprettæfing á fimmtudaginn. Þeir sem ætla ekki að keppa og geta aðstoðað við hlaupið eru hvattir til að hafa samband við stjórn.
Minnum svo á fundinn á þriðjudagskvöldið kl. 20 fyrir þá sem ætla í 3 landa hlaupið.
Við hvetjum hlaupafélaga til að taka þátt í Flensborgarhlaupinu þriðjudaginn 22. september kl. 17:30.
Boðið er upp á 10 km. og 5 km. hlaup með tímatöku og 3 km. skemmtiskokk án tímatöku. Hlaupið verður ræst frá Flensborgarskólanum, Hringbraut 10 í Hafnarfirði. Hlaupaleiðin er einföld og þægileg, farið fram og til baka í átt að Kaldárseli. Drykkjarstöð er á miðri leið fyrir þá sem hlaupa 10 km. Forskráning er á hlaup.is til kl. 12 á hádegi á hlaupadegi. Ekki er hægt að skrá á staðnum en afhending keppnisgagna er frá kl 16.00 í Flensborgarskólanum.
Þeir sem skrá sig fyrir miðnætti sunnudaginn 20. september
Skráning frá og með mánudegi 21. september og til kl. 12:00 á hlaupadag:
Verðlaun verða veitt fyrir þrjú fyrstu sætin í kvenna- og karlaflokki, tveir aldursflokkar 17 ára og yngri og 18 ára og eldri. Auk þess er framhaldsskólameistari verðlaunaður í 10 km hlaupi. Fjöldi útdráttarverðlauna. Verðlaunaafhending hefst kl 18.30.
Flensborgarskólinn skipuleggur hlaupið í samstarfi við Skokkhóp Hauka og Hlaupahóp FH. Í ár er hlaupið til styrktar MS félaginu.
Okkur langar til að vekja athygli ykkar á árlegu maraþoni í Lubeck sem alþjóðlegu Hansasamtökin standa fyrir en Hafnarfjarðarbær er aðili að þeim samtökum. Alþjóðlegu Hansasamtökin eru samtök 168 bæja og borga í 16 Evrópulöndum með höfuðstöðvar í Lübeck og þar er einnig stóra alþjóðlega Hansasafnið. Árið 1480 komu til Hafnarfjarðar þýskir kaupmenn, svokallaðir hansakaupmenn, og lögðu þeir undir sig alla verslun og útgerð í bænum í um 120 ár. Núna rúmum 500 árum síðar var ákveðið að þær borgir og bæir í Evrópu, sem eiga sér þessa sameiginlegu sögu að hafa heyrt undir hansakaupmenn á miðöldum, stofnuðu með sér samtök og bjóða m.a. upp á þetta maraþon.
Þetta hlaup er mjög lítið og allar vegalengdir í boði og því gæti verið gaman fyrir hlaupafélaga að fara hingað við tækifæri.
Nánari upplýsingar um samtökin er hægt að finna á www.hanse.org .
Ný vika, ný hlaupaáætlun. Þær æða áfram vikurnar og stutt í að stór hluti hópsins heldur utan í 3 landa maraþon ævintýrið þar sem eina markmiðið er að koma brosandi í mark. Við látum því haustlægðirnar ekkert á okkur fá og mætum brosandi á æfingu. Sjáumst á hlaupum.
Smelltu á töfluna til að stækka.
Jæja það styttist í 3 landa maraþonið og er áætlun vikunnar í takt við það. Bara gaman.
Sjáumst á hlaupum
Til hamingju allir sem tóku þátt í Reykjavíkurmaraþoninu í gær. Fullt af FH-ingum sem hlupu og komust vonandi allir heilir í gegnum það því það er sko alvöru hlaupavika framundan. Nú er búið að bæta við æfingu hjá hópi 1 á miðvikudögum enda einungis 6 vikur í Þriggja landa maraþonið. Eins gott að fara að bretta upp ermar og reima á sig hlaupaskóna.
Sjáumst á hlaupum
Hér er dagskrá mótsins með fyrirvara um breytingar
| föstudagur: | ||
| 17:30 | 100 m | karlar |
| 17:45 | 100 m | konur |
| 17:50 | Hástökk | konur |
| 17:50 | Langstökk | karlar |
| 17:50 | Kúluvarp | karlar |
| 18:00 | 400 m | karlar |
| 18:20 | 400 m | konur |
| 18:20 | Hástökk | karlar |
| 18:20 | Langstökk | konur |
| 18:40 | 1500 m | karlar |
| 18:40 | Kúluvarp | konur |
| 19:00 | 1500 m | konur |
| laugardagur: | ||
| 10:00 | Spjótkast | karlar |
| 10:50 | Grindahlaup | karlar |
| 10:50 | Kringlukast | karlar |
| 11:10 | Grindahlaup | konur |
| 11:10 | Spjótkast | konur |
| 11:40 | 800 m | karlar |
| 11:50 | 800 m | konur |
| 12:00 | 200 m | karlar |
| 12:10 | 200 m | konur |
| 12:30 | Sleggjukast | karlar |
| 13:30 | Sleggjukast | konur |
| 13:30 | Stangarstökk | karlar |
| 14:00 | Lóðkast | karlar |
| 14:10 | 3000 m | karlar |
| 14:30 | 3000 m | konur |
| 14:40 | Lóðkast | konur |
Kæru hlaupafélagar
Nú er gert ráð fyrir að maraþonhópurinn (hópur 1) hjóli, syndi eða hlaupi á mánudögum fram að þriggja landa hlaupinu í október og hvetjum við félaga til að rotta sig saman í því sem þeir ætla að gera þar.
Vikan er síðan aðeins í óhefðbundnari kantinum þar sem Reykjavíkurmaraþonið er handan við hornið en þessi árvissi atburður er með þeim skemmtilegri í hlaupalífinu hér á klakanum. Veðrið verður kannski ekki upp á marga fiska en það skiptir bara engu máli þegar svona skemmtilegir hlaupafélagar eiga í hlut. Við minnum á FH tjaldið fyrir framan MR á laugardaginn og sundlaugarpartýið í Sundhöll Hafnarfjarðar eftir hlaup, milli 12-16. Eru ekki allir örugglega búnir að melda sig í partýið og taka aur úr hraðbankanum?
Þessi vika verður awesome
Það verður frábært hlaupaveður alla næsta viku og róleg hlaupavika framundan
Smelltu á myndina til að stækka hana.
Sjáumst á hlaupum
