Hlaupahópur FH

Allur snjór og klaki lét undan um helgina.  Gangstéttir og göngustígar eru nú að mestu marauðir og góðir til hlaupa.

Veðurspá næstu viku er okkur hlaupurum sæmilega hagstæð, a.m.k. er er ekki mikil ofankoma í kortunum, sem er sérlega gott.

Í Hornið okkar er búið að koma fyrir pace – töflu.  Þar er hægt að sjá á hvaða pace þarf að hlaupa til að ná ákveðnum tíma.

Vikuáætlunina er hægt að nálgast hér.

KOMASO

Fimmtudaginn 26. jan fór fram fyrsta keppnishlaupið í hlaupaseríu Atlantsolíu og FH. Útlit var fyrir brjálað veður en úr rættist og var veður stillt en kalt. Hlaupaleiðin var erfið yfirferðar þrátt fyrir að búið væri að skafa leiðina en við svona hlutum er að búast þegar við búum á Íslandi. Samtals tóku þátt 95 hlauparar, þ.a. 65 karlar og 30 konur.

Í karlaflokki sigraði Hákon Hrafn Sigurðsson, 3SH á tímanum 18,48 mín. og í kvennaflokki sigraði Arndís Ýr Hafþórsdóttir, Fjölni, á tímanum 20,40 mín. en hún sigraði í stigakeppni seríunnar síðasta vetur og greinilegt að hún kann vel við sig að hlaupa í Hafnarfirði. Heildarúrslit má finna undir Úrslit hér á síðunni. Þess má geta að við röðun í aldursflokka ræður fæðingarár en ekki afmælisdagur á árinu.

Hlauphaldarar vilja þakka öllum fyrir sem mættu og sjáumst hress í næsta hlaupi.

Fyrstu 10 karlar voru:

Fyrstu 10 konur voru:

Vegna dræmrar þátttöku fellur þorrablótið, sem átti að vera um næstu helgi, niður.

HLAUPASERÍA ATLANTSOLÍU OG FH
Fyrsta keppnin fer fram næstkomandi fimmtudag, 26 janúar. Hlaupin eru þrjú talsins, 5. km., og eins og í fyrra er hlaupið meðfram strandlengjunni í Hafnarfirði. Ræst er fyrir utan höfuðstöðvar Atlantsolíu að Lónsbraut í Hafnarfirði.

Skráningarfyrirkomulag er það sama og í fyrra og í Powerade-hlaupunum. Hægt er að kaupa skráningarmiða frá kl. 18:00 á keppnisstað eða í forsölu í verslun TRI.is að Suðurlandsbraut 32.  Verð kr. 500. fyrir hvert hlaup.

Glæsileg verðlaun í boði fyrir sigurvegara seríunnar og þá sem sigra í aldursflokkum sem og fjöldi útdráttarverðlauna í boði á lokahófi seríunnar.

Á þriðjudagsæfingunni getum við félagar keypt okkur skráningarmiða.

Ef einhver ætlar ekki að taka þátt, en hefur tök á, er um að gera að hjálpa til við framkvæmd hlaupsins.  Öll aðstoð er vel þegin þegar hlaupið fer fram.

STJÓRN HLAUPAHÓPS FH SKIPUÐ
Í samráði við þjálfara hefur verið skipuð stjórn HHFH sem mun vera
þjálfurum til halds og trausts og hjálpa þeim að halda utan um starfið
sem fer sívaxandi.
Stjórnina skipa eftirfarandi:
Finnur Sveinsson
Sveinbjörn Sigurðsson
Þorbjörg Ósk Pétursdóttir
Fulltrúi frjálsíþróttadeildar FH og þjálfarar hópsins

Nánari upplýsingar koma síðar um það sem er helst á döfinni og hvað við
stefnum á að hafa sem aðalhlaupin okkar í sumar.

VIKUÁÆTLUNIN
Vikuáætlunin er komin á netið.  Munum að klæða okkur eftir veðri og vindum.  Ekki er ólíklegt að gormar komið að góðum notum.

KOMASO

ÓSKAÐ EFTIR HLAUPURUM Í RANNSÓKN

Nemar í sjúkraþjálfun eru að gera BS-rannsókn á hlaupurum sem snýst um að mæla aftanlærisvöðvalengd hjá annarsvegar hlaupurum sem hlaupa amk. 25 km á viku, hinsvegar hlaupurum sem stunda amk. 25 km hlaup á viku ásamt því að stunda yoga 1-2x í viku.

Skilyrði fyrir þáttöku í rannsókninni er að vera kona á aldrinum 30 – 45 ára og hafa ekki lent í meiðslum aftan á læri síðustu 6 mánuði.

Þær sem hafa áhuga mega endilega senda póst á bs2012hi@gmail.com

ÞORRABLÓT FRJÁLSÍÞRÓTTADEILDAR OG HLAUPAHÓPS
Þorrablótið verður haldið 28. janúar næstkomandi í Sjónarhól – Kaplakrika og hefst klukkan 20:00

Skráning fer fram á netfangið siggih@hafnarfjordur.is
og lýkur skráningu mánudaginn 23. janúar.

Verð kr. 4.000.-

Miðaverð skal greitt inn á reikning 0327-26-9031 kt. 681189-1229

Áríðandi er að þeir sem skrái sig greiði og staðfesti sem fyrst, svo að hægt sé að staðfesta pöntun á mat.

Aldurstakmark 18 ár.
Á boðstólum: Þorramatur og einnig verða aðrar veitingar fyrir þá sem ekki kjósa þorramat.
Og mikið stuð … ÞORRASOOO

REYKJAVÍKURMARAÞON ÍSLANDSBANKA 2012
Margir félagar í Hlaupahópi FH taka þátt í Reykjavíkurmaraþoninu, því er ekki úr vegi að vekja athygli á því að opnað verður fyrir skráningu á morgun, 18. janúar.

Athugið að þátttökugjaldið fer hækkandi eftir því sem nær dregur hlaupi.
Verð miðast við einstakling nema í boðhlaupinu þar sem verð miðast við lið sem í geta verið 2-4 þátttakendur.

MEISTARAMÓT ÍSLANDS
Nú um helgina fór fram Meistarmót Íslands öldunga í frjálsum íþróttum.

Þrettán félagar úr Hlaupahópi FH tóku þátt og var árangur þeirra eftirfarandi:

Pétur Smári Sigurgeirsson: gull í 60m, 200m og langstökki og brons í 400m í 40-44 ára.

Freyr Hákonarson: silfur í kúluvarpi, silfur í 200m, brons í langstökki og gull í 400m í 35-39 ára.

Jóhann Ingibersson: brons í kúluvarpi og gull í 3000m hlaupi í 50-54 ára.

Gylfi Örn Gylfason: silfur í 400m og brons í 3000m hlaupi í 35-39 ára.

Guðni Gíslason: gull í 400m, silfur í 200m, gull í langstökki í 50-54 ára.

Þórunn Unnarsdóttir: gull í 800m hlaupi í 35-39 ára.

Hrönn Árnadóttir: gull í langstökki, gull í 200m og gull í kúluvarpi í 30-34 ára.

Þórdís Jóna Hrafnkelsdóttir: gull í kúluvarpi, silfur í 200m, gull í 800m og gull
í 3000m hlaupi í 45-49 ára.

Björn Traustason: gull í hástökki og gull í 800m í 40-44 ára.

Helga Halldórsdóttir: gull í 200m, silfur í kúluvarpi og silfur í 800m í 45-49 ára.

Friðleifur Friðleifsson: silfur í 3000m hlaupi í 40-44 ára.

Súsanna Helgadóttir: gull í kúluvarpi og brons í langstökki í 40-44 ára.

Steinn Jóhannsson: gull í 400m, brons í kúluvarpi, brons í hástökki og
silfur í 800m í 40-44 ára.

Þess má geta að rúmlega 20 FH-ingar tóku þátt og á HHFH stóran hlut í sigrinum í stigakeppninni. Voru margir félagar að ná frábærum árangri og eru þjálfarar mjög ánægðir með árangurinn.

LAUGAVEGURINN 2012
Nokkrir félagar okkar setja stefnuna á Laugaveginn í sumar.  Það er um að gera að fara að undirbúa sig.  Laugaskokk verður með fyrirlestur um hlaupið miðvikudaginn nk. klukkan 20.00  í veitingasal Lauga.  Er fyrirlseturinn hluti af fræðslufundaröð Laugaskokks.
Skráning í hlaupið hefst 25. janúar. á netinu.

ÆFINGAÁÆTLUN VIKU 3
Æfingaáætlunin er hér.  Það er vonandi að færðin lagist í vikunni og á fimmtudag er stefnt á brekkuspretti. Þjálfarar minna jafnframt á fyrsta Atlantsolíuhlaupið sem fer fram síðasta fimmtudaginn í janúar. Eru félagar hvattir til að taka þátt

HLAUPAHÓPUR FH 2. ÁRA
Um þessar mundir á hlaupahópurinn okkar tveggja ára afmæli.  Það er ótrúega margt búið að gera á þessum stutta tíma og margir kílómetrar liggja í valnum.  Þetta er flottur hópur.

KOMASO