Hlaupahópur FH

Þá er aprílmánuður mættur í öllu sínu veldi og að öllum líkindum gengur sumarið í garð innan skamms.

Það verður mikið um að vera á næstu dögum og vikum, meðal annars þetta:

11. apríl er lokahlaupið í hlauparöð Actavis og FH.
23. apríl fer fram lokahóf hlauparaðarinnar.
24. apríl er fyrirlestur á vegum Framfara um einkenni góðs afreksmanns.
25. apríl fer fram Víðavangshlaup ÍR sem er hluti af Powerade sumarhlaupunum.
25. apríl fer fram hið árlega Viðavangshlaup Hafnarfjarðar.
27. apríl er vorþon Félags maraþonhlaupara.

Hér er ekki allt upp talið – það er af nægu að taka

Eftir át síðustu daga erum við full af orku til að takast á við æfingar vikunnar.  Að öllum líkindum verður tempóhlaup hjá hópi 1 á morgun, þriðjudag, á meðan hópur 2 fer spretti/brekkur eða tröppur.  Svo verður víxlað á fimmtudaginn.  Laugardagurinn verður rólegur, langur og ljúfur.

Við hvetjum þá félaga sem hafa tekið sér smá pásu í vetur að dusta rykið af hlaupaskónum (ef þeir hafa rykfallið eitthvað) og mæta á æfingar.  Það er nefnilega þannig að manni gengur mun betur að æfa þegar maður er í hópi og okkar ágæti hlaupahópur er fullur af frábæru fólki.

Veðurspáin er fín fyrir vikuna (nema hvað!).

KOMASO

Nú í kvöld fór fram þriðja keppnin í hlaupaseríu Actavis og FH.  Aðstæður voru alveg ágætar og þó nokkrir keppendur bættu tímana sína.

Óstaðfest úrslit í kvennaflokki:
Helen Ólafsdóttir – 18:22
Agnes Kristjánsdóttir – 19:00
Helga Guðný Elíasdóttir – 19:37
Óstaðfest úrslit í karlaflokki:

Hlynur Andrésson – 16:01
Ingvar Hjartarson – 16:22
Hákon Hrafn Sigurðsson – 17:08

Að auki voru 14 útdráttarverðlaun veitt; bíómiðar, páskaegg og út að borða 🙂

Úrslit verða birt á heimasíðu allra hlaupara Hlaup.is 🙂

Næsta hlaup fer fram fimmtudaginn 11 apríl og lokahófið fer fram 23. apríl kl. 20 í Kaplakrika.

Takk fyrir þátttökuna – KOMASO

Á morgun, fimmtudaginn 21. mars, fer fram þriðja hlaupið í hlaupaseríu Actavis og FH.  Síðasta hlaupið fer svo fram 11. apríl næstkomandi.  Nánar um hlauparöðina hér.

Verðlaunaafhending fyrir hlauparöðina fer fram þriðjudaginn 23. apríl kl. 20 í Kaplakrika þar sem einnig verður boðið upp á glæsileg útdráttarverðlaun (fjögur hlaup, fjórfaldur vinningsmöguleiki).

Frítt er í sund í Suðurbæjarlaug fyrir keppendur eftir hlaup.

Veðurspáin er FRÁBÆR 🙂

KOMASO

Það er búið að vera príma veður um helgina sem félagar hafa væntanlega nýtt til hlaupa og útiveru.

Jón Ómar, félagi okkar, var staddur í Stóra Eplinu um helgina og þar sem hann átti smá lausa stund munstraði hann sig í NYC Half, sem hlaupið var þar í dag. Hann hljóp á flottum tíma 1:30:06.  Við óskum honum til hamingju með flott hlaup.

Á fundinum í síðustu viku var rætt um komandi ferð til Amsterdam.  Það er mikill áhugi og stefnir í góða þátttöku.  Hátt í sjötíu manns eru búin að bóka ferð, enn er eitthvað laust en nú fer hver að verða síðastur.

Þriðjudaginn 19. mars, standa Framfarir – hollvinafélag millivegalengda – og langhlaupara, fyrir fyrirlestri um 10. km hlaup.  Þar munu þeir Gunnar Páll Jóakimsson, íþróttafræðingur og þjálfari og Stefán Guðmundsson, hlaupari og læknanemi, fjalla um þjálfun fyrir 10 km hlaup.  Fundurinn verður haldinn hjá ÍSÍ að Engjavegi 4 (E-sal) og hefjast kl 20:00.  Sjá nánar hér.

Fimmtudaginn 21. nk. fer fram þriðja hlaupið okkar í hlaupaseríu Actavis og FH.  Sem fyrr verður hlaupið á  Strandgötunni (á göngustígnum gengt íþróttahúsinu við Strandgötu) og ræst er klukkan 19.  Þetta er 5 km. skemmtilegt hlaup.

Það er vert að benda á McMillan hlaupareiknivélina.  Þar getið þið sett inn ykkar forsendur og látið hana reikna út á hvaða hraða æfingarnar eiga að vera.  Á hvaða tíma sprettirnir eru hlaupinir (m.v. lengd hvers spretts).  Áhvað pace á að hlaupa langa hlaupið og síðast en ekki síst á hvaða pace recovery skokkið á að vera.

Þegar það kemur að þvi að hefja undirbúning og æfingar á fullu fyrir heilt eða hálft maraþon er ekki úr vegi að vita hver séu helstu mistökin sem gerð eru í æfingaferlinu.

Þetta verður fræbær vika.  KOMASO

Eftir sæmilegasta vetrarskot í síðustu viku voru einstaklega góðar aðstæður til að hlaupa nú um helgina og vonandi hafa sem flestir látið fætur standa fram úr skálmum.

Þriðjudaginn 12. mars verður almennur félagsfundur hlaupahóps FH.  Megindagskrá fundarins er:

• Ferðin til Amsterdams nú í haust.  Nú þegar eru um 50 félagar búnir að skrá sig í ferðina.  Það er líklegt að a.m.k. tveir aðrir hópar frá Íslandi séu á leið í þetta sama hlaup, þannig að það borgar sig að taka ákvöðun fljótlega, skrá sig og bóka flut. Nánar verður farið yfir þetta á fundinu.
• Kynning á hlaupadagskrá sumarsins
• Kynning frá þjálfurum
• Önnur mál

Fundurinn hefst stundvíslega klukkan 20:00.  Mætið og takið þátt í mótun starfs hlaupahóps FH.

Miðvikudaginn 13. mars kl. 20 er áttundi fundur vetrarins í fræðslufundaröð Laugaskokks og World Class.  Fundurinn verður helgaður undirbúningi og keppni í utanvegahlaupum og ofurmaraþonum.

Fyrirlesarar eru Elísabet Margeirsdóttir næringarfræðingur og Björn Margeirsson vélaverkfræðingu.  Nána um fundinn er á heimasíðu Laugaskokks.

Fimmtudaginn 14. mars er svo síðasta hlaupið í vetrarhlaupum Powerade.

Í næstu viku, þriðjudaginn 19. mars, standa Framfarir – hollvinafélag millivegalengda – og langhlaupara, fyrir fyrirlestri um 10. km hlaup.  Þar munu þeir Gunnar Páll Jóakimsson, íþróttafræðingur og þjálfari og Stefán Guðmundsson, hlaupari og læknanemi, fjalla um þjálfun fyrir 10 km hlaup og hvað þarf helst að leggja áherslu á. Eins verður velt upp þeirri spurningu hvort 10 km þjálfun gagnast í öðrum vegalengdum?

Sem fyrr segir verða fyrirlestrarnir þann 19. mars næstkomandi í E-sal ÍSÍ að Engjavegi 4 og hefjast kl 20:00.

Við minnum ykkur á að skrá hreyfingu ykkar á hlaup.is þar getum við líka fylgst með félögum okkar og vonandi kemur fljótlega að því að við förum að geta “commentað” á æfingar hjá félögum okkar – það verður frábært.

Ef þið eruð með efni fyrir heimasíðuna eða hugmyndir að efni, endilega sendið á hbirnir(a)gmail.com

KOMASO

Annað hlaupið í hlauparöð Actavis og FH fór fram sl. fimmtudag.  Það er óhætt að segja að vel hafi tekist til þó svo veðrið hafi ekki verið neitt sérstakt. Við hlökkum til næstu keppni sem fer fram 21. mars.

Þriðjudaginn 12. mars verður almennur félagsfundur hlaupahóps FH.  Megindagskrá fundarins er:

• Ferðin til Amsterdams nú í haust.  Nú þegar eru um 50 félagar búnir að skrá sig í ferðina.  Það er líklegt að a.m.k. tveir aðrir hópar frá Íslandi séu á leið í þetta sama hlaup, þannig að það borgar sig að taka ákvöðun fljótlega, skrá sig og bóka flut. Nánar verður farið yfir þetta á fundinu.
• Kynning á hlaupadagskrá sumarsins
• Kynning frá þjálfurum
• Önnur má

Fundurinn hefst stundvíslega klukkan 20:00.  Mætið og takið þátt í mótun starfs hlaupahóps FH.

Það er kuldi í kortunum – eiginlega vetur framundan.  Við látum það lítið á okkur fá. Klæðum okkur bara betur.

Þetta verður fín vika.  KOMASO!