Hlaupahópur FH

Í næstu viku höldum við okkar striki í æfingum en þar sem Skírdag/Sumardaginn fyrsta ber upp á æfingadegi þá er tilvalið að skella sér í Víðavangshlaup Hafnarfjarðar sem er 2km að lengd. Það væri gaman að sjá sem flesta fjölmenna á Víðistaðatún og taka þátt en hlaupið hefst kl. 11:00. Einnig verður Víðavangshlaup ÍR á sínum stað en þar eru hlaupnir 5km frá Ráðhúsi Reykjavíkur. Bæði hlaupin henta jafnt byrjendum sem lengra komnum. Í lok apríl fer fram vorþon (hálft og heilt maraþon) félags maraþonhlaupara og nokkrir í hópnum sem ætla að taka þátt. Allar upplýsingar er hægt að nálgast inn á www.hlaup.com

Í dag (sunnudaginn 17. apríl) fór fram Tvíþraut í Heiðmörk og tóku nokkrir félagar í hópnum þátt og stóðu sem með eindæmum vel að venju. Úrslitin úr tvíþrautinni má sjá inn á www.triathlon.is

Það er óhætt að fullyrða að veðrið í liðinni viku var ákaflega hliðhollt HHFH. Mjög góð mæting var á allar æfingar en á þriðjudag mættu 64 sem er það besta langan tíma. Það er greinilegt að með hækkandi sól fjölgar stöðugt í hópnum og fjöldi nýliða hefur látið sjá sig undanfarið. Það er mikill hugur í fólki fyrir sumarið og stefna margir í hópnum á hálft maraþon, maraþon og jafnvel Laugaveginn. Nú líður að Kölnarfundi og munum við reyna að negla niður hótel á þeim fundi. Gott er að þeir sem ætla að fara til Kölnar komi með hugmyndir að hótelum sem henta vel til að vera á. Allar hugmyndir eru vel þegnar.

Næstkomandi laugardag fagna Haukar 80 ára afmæli sínu og í tilefni dagsins efna þeir til 3km og 8km afmælishlaups en hlaupið er kl. 11:00. Eru félagar hvattir til að mæta og heiðra Haukana á afmælisdaginn þeirra. Einnig má minnast á Flóahlaupið sem fer fram en það hefur verið árviss atburður í nokkra áratugi og eru þar í boði þrjár vegalengdir. Allar nánari upplýsingar má finna inn á www.hlaup.is

Í apríl sendum við út greiðsluseðla fyrir næstu sex mánuði og ef einhverjir fá ekki greiðsluseðla eru þeir vinsamlega beðnir um að senda póst á þjálfara og láta vita. Gjaldið sem er greitt á 6 mánaðar fresti er kr. 6000-.

Síðastliðinn föstudag var haldin lokahátíð hlaupaseríu Atlantsolíu og FH. Var mjög góð mæting og fóru margir úr okkar hópi heim með verðlaun fyrir samanlagðan árangur í hlaupunum þremur. Einnig var fjöldi glæsilegra útdráttarverðlauna í boði sem nokkrir félagar í hópnum hrepptu. Úrslitin í stigakeppninni er að finna hér inn á síðunni (undir úrslit). Myndir úr lokahlaupinu verða settar inn í vikunni.

Ný æfingaáætlun er komin inn á vefinn og vonumst við núna eftir því að veðráttan verði okkur hliðhollari en síðustu vikur. Með hækkandi sól fer félögum að fjölga á æfingum en mjög góð mæting var í liðinni viku.  Fjölmörg keppnishlaup eru framundan og er gott að prufa að keppa og setja sér markmið fyrir sumarið, t.d. ætti Afmælishlaup Hauka að henta flestum en þar er boðið upp á 3km án tímatöku og 8km með tímatöku.

sjáumst á næstu æfingu

Lokahlaupið okkar heppnaðist mjög vel þó þátttakendafjöldinn hefði mátt vera meiri. Alls tóku þátt í gær 46 félagar úr hópnum og voru flestir að hlaupa á persónulegu meti. Má fullyrða að framfarirnar eru hreint ótrúlegar hjá okkur í vetur. Við minnum jafnframt á verðlaunahófið í kvöld kl. 20:00 í Kaplakrika þar sem fjöldi glæsilegra útdráttarvinninga verður í boði.

Annars eru tímar félaga í lokahlaupinu eftirfarandi en lokaúrslit hlaupsins eru tilbúin og má finna hér á síðunni undir úrslit og svo inn á www.hlaup.is
Margir í hópnum voru að vinna til verðlauna í aldursflokkum en þau úrslit verða kynnt í kvöld á lokahófinu.

Á fimmtudaginn fer fram síðasta hlaupið í hlaupaseríu Atlantsolíu og FH. Vonumst við eftir góðri þátttöku frá félögum í hópnum. Ef einhverjir verða ekki með þá er öll aðstoð vel þegin við framkvæmd hlaupsins. Hafa fjölmargir félagar lagt hönd á plóginn í vetur við framkvæmdina og kunnum við þeim hinar bestu þakkir. Á þriðjudag munum við að sjálfsögðu selja þátttökumiða fyrir hlaupið og eru félagar minntir á að koma með krónur á æfingu fyrir þátttökumiðanum.

Á föstudeginum fer svo fram verðlaunaafhending kl. 20:00 í Kaplakrika. Veitt eru verðlaun fyrir 1. karl og konu og svo fyrir þrjá fyrstu í öllum aldurshópum. Glæsileg útdráttarverðlaun verða í boði og verður dregið úr þátttökumiðum vetrarins. Athugið að aðeins þeir sem eru á staðnum eiga möguleika á verðlaunum. Einnig munum við veita verðlaun fyrir flottasta skráningarmiða vetrarins en keppendur hafa sumir hverjir fyllt miðana út af mikilli vandvirkni.

Varðandi Kölnarferðin í haust þá eru núna 20 manns búnir að skrá sig og næstu skref eru að ganga frá hóteli. Við erum að skoða hótel í grennd við marksvæðið og eru þau ci. 2km frá sjálfri miðborginni og aðalverslunargötu Kölnar. Er mjög líklegt að hótel nærri starti/marki verði ofan í vali. Meira um þetta síðar en stefnt er á sérstakan fund fyrir Kölnarfara.

Má til með að nefna tilboð hjá Afreksvörum á New Balance skóm þessa vikuna, New Balance 1060 og New Balance 760 á aðeins kr. 15.990.- aðeins þessa einu viku.

Í síðustu viku hafði veðrið mikil áhrif á æfingarnar og því miður var ekki hægt að taka spretti úti vegna leiðindafærðar. Á morgun þriðjudag stefnum við á að hlaupa fartlek og ef brautin er ekki auð þá finnum við hentuga götu til að vera á. Annars var mætingin í síðustu viku fín miða við aðstæður.

Ég vil ennfremur minna alla þá sem ekki hafa svarað könnun hlaupahópsins að senda Steini póst (steinn.johannsson@gmail.com) og fá senda vefslóðina.
Í næstu viku verðum við með síðasta hlaupið í hlaupaseríu Atlantsolíu og FH og föstudaginn 25. mars veitum við verðlaun í Kaplakrika fyrir samanlagðan árangur í stigakeppninni. Eru þátttakendur hvattir til að mæta því í boði verða glæsileg útdráttarverðlaun fyrir alla sem tóku þátt.

Má til með að velja athygli á frábæru tilboði Afreksvara á Garmin Forerunner 305 sem er vinsælasti og mest seldi GPS hlaupamælirinn. Afreksvörur bjóða hann núna á kr. 34.990-. Það er miklu skemmtilegra að hlaupa með hlaupamæli og fá ýmsar upplýsingar um æfingar. Einnig er sérstakt tilboð á CEP súrefnissokkum þessa dagana en aflsáttarverð er kr. 5900- (fullt verð kr. 7900-).
Einnig má minnast á afsláttinn sem félagar í HHFH fá í Afreksvörum eða 15% af öllum vörum.

Sjáumst á næstu æfingu.

Félagar eru minntir á að svara könnun sem var send út vegna Kölnarferðar. Allir félagar eru beðnir um að svara því einnig er spurt um markmið þessa árs. Hægt er að nálgast vefslóðina inn á könnunina hjá Steini (steinn.johannsson@gmail.com)
Á þessum tímapunkti hafa 16 manns staðfest að þeir ætli að fara og stefnir helmingur félagsmanna á heilt maraþon. Stefnt er að því að fara út föstudaginn 30. sept. og heim þriðjudaginn 4. október. Flogið verður til Frankfurt en varðandi hótel þá er verið að skoða hvað er hagstæðast. Frekar fréttir síðar.

Sjáumst annars hress á næstu æfingu.

Konukvöld FH  verður haldið nk. föstudag og ætlum við að fjölmenna þangað, við ætlum að hittast fyrst að Reynihvammi 3b, Hafnarfirði,  kl. 18:00  og hrista saman hópinn.  Ég mun vera með miða fyrir ykkur á fimmtudagsæfingunni  en þær sem mættu ekki á þriðjudagsæfinguna endilega látið mig vita hvort þið viljið miða, en nú þegar eru 10 búnar að skrá sig.
Margrét B. Karlsd.
(margretkarls@simnet.is) S:8970434

Það var frábær þátttaka í hlaupi nr. 2 hjá okkur en 247 manns mættu en þar af voru 100 hlauparar mættir sem ekki tóku þátt í fyrsta hlaupinu. Eflaust setti veðrið strik í reikninginn en nokkur vindur var og smá úrkoma. Myndir af hlaupi nr. 1 og nr. 2 er hægt að skoða undir Myndefni á síðunni.

Alls mættu 46 hlauparar úr HHFH og tóku þátt. Allir stóðu sig með ágætum og var gaman að sjá hversu margir bættu sig á milli hlaupa. Það er greinlegt að góð ástundun er að skila góðum tímum í hús. Öll úrslit er að finna inn á www.hlaup.is sem og staðan í stigakeppninni. Þjálfarar vilja ennfremur þakka öllum þeim sem félögum sem aðstoðuðu við framkvæmd hlaupsins. Næsta hlaup fer fram 24. mars og þann 25. mars verða verðlaun veitt fyrir hlaupaseríuna. Þá fá þrír efstu í hverju flokk verðlaun sem og sigurvegarar karla og kvenna. Einnig verða vegleg útdráttarverðlaun í boði fyrir alla sem tóku þátt og eru félagar hvattir til að mæta. Athugið að aðeins þeir sem mæta og eru á staðnum eiga möguleika á útdráttarverðlaunum.

Nú fer keppnishlaupum fjölgandi eftir því sem nær dregur vori og er mikilvægt að félagar setji sér markmið fyrir ákveðin hlaup sem verða efst á keppnislistanum. Í nýlegum pósti sem var sendur á félaga var linkur inn á könnun sem félagar eru hvattir til að svara.

Næsta Poweradehlaup fer fram 10. mars og hafa margir í hlaupahópnum tekið þátt í vetur þrátt fyrir erfiðar aðstæður í sumum hlaupunum. Ennfremur má minnast á að þann 9. apríl heldur Skokkhópur Hauka 10km afmælishlaup og væri gaman að sjá félaga HHFH fjölmenna í þá keppni. Hringurinn ætti að henta öllum sem vilja spreyta sig á 10km í fyrsta skipti.

Sjáumst á næstu æfingu.

Næstkomandi fimmtudag, 24. feb., fer fram hlaup nr. 2 í hlauparöð Atlantsolíu og hlaupahóps FH. Þátttakan var vonum framar í fyrsta hlaupinu en þá mættu 245 manns. Þjálfarar hvetja alla í hópnum til að mæta og taka þátt. Aðstoð frá þeim sem keppa ekki er vel þegin og eru þeir vinsamlega beðnir um að láta Stein eða Pétur vita ef þeir geta aðstoðað.

Í síðustu viku funduðum við um væntnalega Kölnarferð í haust og í vikunni verður send út könnun á félagsmenn vegna ferðarinnar. Stefnt er á að fljúgja til Frankfurtar á föstudegi og heim á þriðjudegi. Rúta yrði leigð undir hópinn til að koma honum á milli Kölnar og Frankfurt en það má áætla að sú ferð taki um 1,15 klst. Við erum að skoða hótel en varðandi flugið þá er ódýrast ef hver og einn bókar sína ferð sjálfur. Nánari upplýsingar síðar.

Sjáumst á næstu æfingu
komaso