Hlaupahópur FH

Það voru rúmlega fimmtíu manns mættir á æfingu nú undir kvöld.  Á dagskránni var vaxandi hlaup, frá 6 og upp í 12 km.  og átti að hlaupa ca. 1. km vaxandi í miðri leið.

Það var frekar leiðinlegt rok, en hópurinn er ýmsu vanur eftir veturinn.  Gangstéttarnar eru snjólausar svo það er ekki hægt að kvarta.

Við minnum á Atlantsolíuhlaupið á fimmtudaginn.  Þann dag verður ekki skipulögð æfing en félagar eru kvattir til að mæta og taka þátt í hlaupinu.

Keppendur eru minntir á að mæta tímanlega til að kaupa skráningarmiða. Einnig er hægt að kaupa skráningarmiða í TRI að Suðurlandsbraut 32.

Lokahóf seríunnar fer svo fram föstudagskvöldið 30. mars nk.  Nánar um það síðar.

Á fimmtudag fer fram lokahlaupið í 5km hlaupaseríunni okkar og væri gaman að sjá sem flesta úr hópnum mæta og taka þátt. Verðlaunaafhendingin fyrir hlaupin verður haldin viku síðar í Kaplakrika. Fjölmargir útdráttarvinningar verða í boði og því mikilvægt að mæta.

Öll aðstoð við keppnishaldið er vel þegin hjá þeim sem ekki taka þátt.

Samkvæmt óformlegu könnuninni sem við gerðum hér á vefnum þá verður fín þátttaka félag Hlaupahóps FH á Hlaupahátíðinni sem fram fer í sumar.

Stjórn hlaupahópsins vinnur nú með þetta.

Minnum á að búið er að opna fyrir skráningu í Reykjavíkurmaraþonið, þann 1. apríl nk hækkar þátttökugjaldið, til dæmis hækkar það um 2100 fyrir þá sem ætla sér í heilt maraþon.  Hækkunin er 1050 fyrir hálft þon, o.s.frv.

KOMASO!

Það er enn vetur samkvæmt dagatali, en þetta er nú allt að koma.  Á fimmtudaginn er gert ráð fyrir tröppu og brekkusprettum.  Æfingaáætlunin er hér.

Félagar okkar í Hlaupahópnum hafa gert góða hluti í Powerade mótaröðinni í vetur.  Grétar Snorrason og Þóra Gísladóttir urðu í öðru sæti stigakeppni para.  Heildarúrslitin í Powerade mótaröðinni má nálgast hér.

Könukvöld FH verður næstkomandi föstudag. Nánar um það hér.

KOMASO

Hlaupakonur FH ætla að fjölmenna á Konukvöld FH
16. mars næstkomandi klukkan 19:00

Við ætlum að hittuast aðeins á undan
(kl. 18) að Reynihvammi 3b, Hafnarfirði

Ef þið eruð ekki nú þegar búnar að tryggja ykkur miða, hægt er panta miða
hjá Margréti – margretkarls(a)simnet.is

Það viðraði ekki vel fyrir brekku og tröppuhlaup í síðustu viku, nú er bara að sjá hvernig vikan verður og hvað þjálfararnir bjóða okkur uppá.

Félagar eru hvattir til að taka þátt í könnuninni hér á síðunni.  Þar er verið að kanna hug félagsmanna til að fjölmenna á Hlaupahátíðina á Vestfjörðum í sumar. Þar verður boðið upp á nokkrar vegalendir og ættum við öll að geta fundið eitthavað skemmtilegt við okkar hæfi.

Og svo í lokin er gaman að geta þess að Kári Steinn Karlsson varð í þriðja sæti í Treviso maraþoninu á Ítalíu á 2:18:52.  Frábær árangur hjá honum.

KOMASO

Það voru um 65 manns sem mættu á æfingu nú undir kvöld.  Á dagskránni voru 6-8 km. rólegir, fyrir hóp 1 og 9-12 km. rólegir, fyrir hóp 2.  Í upphafi kom smá haglél, en það varð ekkert úr því og veðrið var alveg skaplegt.

Að þessu sinni hvíldum við okkur á Garðabæjarhring en þess í stað var hlaupið um Setbergið, niður með læknum og eftir strandlengjunni.  Þau sem hlupu lengra fóru að Hrafnistu og þaðan heim í kapla en styttri hópurinn fór upp Hraunbrúnina, og í Kapla.

Í lokin var spjallað yfir góðum teygjum.

Stjórn HHFH er að velta fyrir sér hvort meðlimir Hlaupahópsins hafi áhuga á að fjölmenna vestur á firði í sumar og taka þátt í Hlaupahátíðinni.  Hlaupahátíðin á Vestfjörðum verður haldin helgina 13. – 15. júlí nk og er það í fjórða sinn sem hún er haldin.

Hér til hliðar er könnun varðandi ferðina, endilega takið þátt.  Stjórnin mun í kjölfarið kanna með húsnæði og aðstöðu fyrir hópinn.

Sjáumst hress á fimmtudagsæfingunni.