Hlaupahópur FH

Það var flott mæting á æfinu nú í dag, en um 60 manns voru mætt í Kapla.  Á dagskránni var vaxandi hlaup og fór fólk frá rúmum sex km og uppúr.  Þeir allar sprækustu fóru rúma 15 km.

Á morgun hefjast aukaæfingar og verður áherslan lögð á utanvegahlaup.  Þau sem ætla að taka þátt í utanvegahlaupum í sumar, eins og Laugaveginum og Vesturgötunni er sérstaklega bent á þessar æfingar, en öllum er frjálst að mæta.  Það á að hittast við hliðið við Flóttamannaveginn í Heiðmörk klukkan 18:00

Búið er að panta flott veður fyrir fimmtudaginn, en skv. Veður.is verður léttskýjað og 5°c.

Þjálfarar minna félaga á að skrá hlaupin á hlaup.com. Það er frábært tæki til að halda utan um æfingar sínar og til að fylgjast með framförum sínum.

Það var fínasta mæting á æfingar í páskavikunni. Þrátt fyrir dumbungsveður, var hlýtt og gott að hlaupa í rigningarúðanum.

Á fimmtudaginn kemur, 12 apríl, byrjar nýliðahópur hjá okkur.  Líkt og hjá fyrr nýliðahópum er markmiðið að hlaupa 5 kílómetra samfleytt eftir 9 vikur.

Þjálfarar hafa orðið varir við töluverðan áhuga svo það verður gaman að bjóða nýtt fólk velkomið í okkar frábæra hóp!  Verum dugleg við að láta áhugasama vita.

Í vikunni hefjast aukaæfingar á miðvikudögum.  Áherslan verður á utanvegahlaup, þar sem töluverður fjöldi félaga HHFH ætla sér að taka þátt í utanvegvegahlaupum í sumar.  Hlaupið verður frá hliðinu við Flóttamannaveginn í Heiðmörk, lagt af stað klukkan 18:00.

Þriðjudagsæfingin verður hefðbundin, 6-12 km. vaxandi í lokin.  Á fimmtudag er svo sprettæfing.  Nánar um æfingarnar hér.

KOMASO

Það er vor í lofti og frábært að mæta á æfingar og hitta félagana og hlaupa með þeim.  Það er ekki að sjá neitt páskahret í veðurkortunum, þannig næsta vika verður skemmtileg.

Á föstudaginn var uppskeruhátíðin okkar vegna hlaupaseríu Atlantsolíu.  Heppnaðist hún ljómandi vel og fór verðlaunahafar ánægðir heim.  Úrslin má sjá hér.

Á þriðjudag er hefðbundinn æfingatími, klukkan 17:30 en þar á fimmtudag, Skírdag, er ætlunin að æfa fyrir hádegi, mæta upp í Krika klukkan 9:30 og verður fartlek æfing brautinni.  Laugardagsæfingin verður svo með hefðbundnu sniði.

Eftir páska hefjast aukaæfingar.  Verða þær á miðvikudögum og verður væntanlega áhersla lögð á utanvegahlaup.  Nánar um það síðar.

KOMASO

Uppskeruhátíð Hlaupaseríu Atlantsolíu og FH fer fram í Kaplakrika næstkomandi föstudagskvöld, 30. mars og hefst klukkan 20:00

Kynnt verða úrslit í seríunni og eins eru vegleg útdráttaverðlaun í boði fyrir þátttakendur.

Það var þó nokkkur hópur fólks sem mætti, mátaði og pantaði sér nýjan hlaupajakka á laugardagsæfingunni.  Á þriðjudaginn verður búninganefndin með jakka til að  máta og panta eftir, því er um að gera að mæta tímanlega – helst korteri fyrr.

Í vikunni er okkur boðið í heimsókn í verslunina TRI á Suðurlandsbraut.  Þar er boðið á ágætis úrval af skóm og öðru sem hlauparar gætu þurft.  Nánar um það á þriðjudagsæfingunni.

Á föstudagskvöldið er svo verðlaunaafhending Hlaupaseríu Atlantsolíu og FH.  Eins og komið hefur fram verða einnig útdráttaverðlaun svo allir þátttakendur í seríunni eiga möguleika, því er um að gera að láta sjá sig.

Nýliðaprógram fer í gang fimmtudaginn 12. apríl.  Endilega bendið áhugasömum á okkar frábæra hlaupahóp.

Æfingaáætlun næstu viku er hér.

KOMASO …

Þriðja, og síðasta, hlaupið þetta árið í Hlaupaseríu Atlantsolíu og FH fór fram í gær.  Þrátt fyrir töluverðan mótvind á seinni hluta leiðarinnar náðust ágætis tímar.

Arndís Ýr Hafþórsdttir, Fjölni, sigraði í kvennaflokki á tímanum 18,52.  Í öðru sæti var Eva Einarsdóttir, ÍR, á tímanum 19,45 og í þriðja sæti var Birnar Björnsdóttir, HHFH á 20 mínútum sléttum.

Í karlaflokki sigraði Stefán Guðmundsson, 3SH/Team TRI, á tímanum 16,26.  Annar varð Hákon Hrafn Sigurðsson, 3SH, á 16,33.  Þriðji varð svo Sæmundur Ólafsson, ÍR, á tímanum 16,43.

Úrslitin má nálgast hér.

Við minnum á lokahófið næstkomandi föstudagkvöld, 30. mars í Kaplakrika.  Veitt verða verðlaun fyrir þrjú efstu sætin í samanlögðu í bæði kvenna og karlaflokki.  Eins eru fjölda útdráttaverðauna í boði fyrir keppendur.

Það er komið að því.  Búninganefndin valdi fagurgula jakka frá Brooks fyrir hópinn.  Það verða teknar pantanir fyrir nýju hlaupajakkana á æfingunum á laugardag og þriðjudag.  Því er æskilegt að mæta tímanlega til að máta og leggja inn pöntun.  Jakkarnir munu kosta 10.500. og verða þeir merktir með merki Hlaupahópsins.

Síðasta hlaupið í Atlantsolíuseríunni fór fram nú í kvöld.  Aðstæður voru kannski ekki þær allra bestu, vindur sett strik í reikninginn.  Úrslit eru væntanleg á morgun en myndir úr hlaupinu má nú þegar sjá á hlaup.is