Hlaupahópur FH

Það er nú ekki hægt að biðja um það betra!  Svona er spáin fyrir alla helgina.

Góð helgi til að hlaupa – KOMASO

Maraþonboðhlaup FRÍ fer fram þann 5. júní 2012 á fimm stöðum á landinu, í Reykjavík, á Akureyri, á Ísafirði og á Egilsstöðum. Hlaupið er boðhlaupskeppni þar sem allt að sjö hlauparar skipa eitt lið. Hver liðsmaður hleypur að minnsta kosti einn hring af sjö hringja hlaupaleið. Heildarvegalengdin sem er hlaupin er hálft maraþon eða 21,097 km og því hver hringur 3 km. Keppt er í samtals 8 flokkum á höfuðborgarsvæðinu og 4 flokkum á landsbyggðinni. Allir þátttakendur fá staðlað viðurkenningarskjal með myndum af Ólympíuhópi FRÍ 2012 og að loknu hlaupi fer fram happdrætti á staðnum þ.s keppnisnúmer gildir sem happdrættismiði.

Markmiðið með Maraþonboðhlaupi er fyrst og fremst að auka stuðning við íslenska frjálsíþróttafólkið sem keppir á Ólympíuleikunum í London næstkomandi sumar. Einnig er markmiðið að vekja aukna athygli á íþróttinni og benda á að götuhlaupin eru hluti af frjálsum íþróttum.

Nánar um viðburðinn hér.

Það er flott hlaupaveður í kortunum og verður án efa fjölmenni á æfingum.

Félagar Hlaupahópsins eru duglegir við að taka þátt í keppnum, bæði hér heim og erlendis.  Þó nokkrir tóku þátt í Valshlaupinu sem fram fór í strekkings vindi í vikunni.  Úrslitin má sjá hér.

Félagar okkar Jón Ómar Erlingsson og Ásta Kristjánsdóttir tóku þátt í Edinborgarmaraþoninu nú fyrr í dag.  Úrslit liggja ekki fyrir, en við vitum að Jón Ómar hljóp á flottum tíma.  Til hamingju með árangurinn.

Þegar við getum ekki hlaupið á gangstéttum og göngustígum og verðum að fara út á götu þá hlaupum við á móti umferð og hlaupum vel út í kannti.

Ný æfingaáætlun hefur litið dagsins ljós.  Álagið eykst á okkur enda styttist í Vesturgötuna, Laugavegshlaupið og ekki síður í Reykjavíkurmaraþonið sem fer fram í ágúst.

KOMASO…

Síðasta jakkamátun fer fram fyrir æfingu á morgun fimmtudag.

Mætið tímanlega og gangið frá pöntun.

Jakkamátun fer fram fyrir æfingu á morgun þriðjudag.

Mætið tímanlega og gangið frá pöntun.

Verðið er 10.500 kr. með merkingu.

KOMASO

Öll lendum við í því að tapa gleðinni á æfingum.  Hættum að hafa gaman af þessu hlaupabrölti okkar og erum jafnvel við það að hætta þessu alveg.

Okkur finnst árangurinn láta á sér standa, framfarirnar ekki miklar, okkur finnst við vera að hjakka í sama farinu endalaust.

Ég held að við verðum flest öll fyrir þessari reynslu, málið er bara hvernig við tökum á því.  Gefumst við upp og hættum þessu alveg eða bítum við á jaxlinn og látum okkur hafa það.  Gleðin finnur okkur á endanum og árangurinn sem okkur finnst láta á sér standa er hérna, það sjáum við svo sannarleg á Hlaup.com.

En hvað getum við gert þegar allt virðist ómögulegt og hund leiðinlegt?

• Ekki hlaupa ein.  Þetta á sérstaklega við um löngu helgarhlaupin.  Mætum upp í Suðurbæjarlaug á laugardagsmorgnum og hlaupum með hópnum.  Það er fátt skemmtilegra en spjalla við hlaupafélagana á þessum æfingum.
• Notaðu Ipod, útvarp eða álíka apparat ef þú ert ein(n) á ferð.  Veldu tónlist sem þér líkar og hlauptu eins og vindurinn.
• Skráðu æfingarnar á hlaup.com.  Þó þér finnist þér ekkert fara fram þá er árangurinn oftast nær ótrúlegur.  Flestir, ef ekki allir í hlaupahópnum hafa bætt sig svo um munar eftir að hafa byrjað að æfa með hópnum.
• Verum dugleg að hvetja hvort annað.  Það er alltaf gott að fá hrós og klapp á bakið.
• Deilum góðum ráðum með félögum okkar.
• Brosum 🙂

Æfingaáætun vikunnar er hér.  Þetta verður rosalega æðislegt.

KOMASO.

Af óviðráðanlegum orsökum er því miður er ekki hægt að máta og panta jakka á morgun, fimmtudag, eins og til stóð, þetta frestast um einhvern tíma.  Nánar auglýst síðar!