Síðasta hlaupið í hlaupaseríu Actavis og FH fór fram sl. fimmtudag. Þrátt fyrir kulda og vind var fín stemning og flottir tímar. Lokahófið fer fram 23. apríl næstkomandi í Kaplakrika. Veitt verða stigaverðlaun fyrir þrjú bestu hlaupin í öllum aldursflokkum. Þar að auki verða dregin út fjöldi glæsilegra útdráttarverðlauna til þeirra keppenda sem eru á staðnum – 4 hlaup, fjórfaldur vinningsmöguleiki 🙂
Fyrir þriðju- og fimmtudags æfingarnar í vikunni er boðið upp á bolamátun sem sagt var frá hér á vefnum fyrir skemmstu. Þið gangið svo frá ykkar pöntun sjálf á netinu, opið verður fyrir pantanir til 22. apríl.
Um síðustu helgi fór fram Parísarmaraþonið. Einn félagi okkar, Benedikt Ólafsson tók þátt og hljóp á flottum tíma 3:50:54. Þetta var hans fyrsta maraþon og við óskum honum innilega til hamingju með árangurinn.
Á morgun, mánudag, fer fram Botsonmaraþonið. Þar munu nokkrir FH félagar taka þátt; Friðleifur Friðleifsson, Jón Gunnar Jónsson, Ólafía Kvaran og Pétur Smári Sigurgeirsson. Hlaupið verður ræst klukkan 9 að morgni á staðartíma, klukkan 13 á okkar tíma. Það verður gaman að fylgjast með þessu á netinu.
Nýliðanámskeið fer í gang hjá okkur mánudaginn 29. apríl næstkomandi. Endilega verið dugleg að láta áhugasama vita af því.
Æfingar vikunnar: Sprett úr spori, hlaupið tempó og hlaupið langt. Svo má hlaupa aðeins meira.
KOMASO