Hlaupafélagar tóku vel við sér í vikunni þegar opnað var fyrir skráningu í 
Snæfellsjökulshlaupið. Núna, 9. júní klukkan 15:30, voru 25. manns búnir að skrá sig í hlaupið – þar af voru hlaupahópsfélagar 21. Eftir hlaupið í fyrra lofaði Sveinbjörn hlaupahöldurum að hann myndi mæta með fjölmennt lið að ári. Það er nokkuð ljóst að hann stendur við það 🙂
Það eru einhver sæti eftir laus í langferðabílnum, því er um að gera að festa sér sæti með því að senda póst á sveinbjorn@sjukrathjalfarinn.is, og einnig að skrá sig í hlaupið á hlaup.is – bara að muna að velja ekki rútuferðina þar, ef þið ætlið með hópnum í langferðabílnum vestur.
Í vikunni og um næstu helgi, sem er í lengra lagi, er nóg um að vera:
- 12. júní – Álafosshlaupið – Mosfellsbæ
- 15. júní – Gullspretturinn – Laugavatni
- 17. júní – Mikka maraþon – tilvalið fjölskylduhlaup
- 17. júní – Hamarshlaupið – Hveragerði
Æfingar eru á sínum stað og auk þeirra ætla Laugavegsfarar að hittast klukkan 18. á miðvikudag við Kaldársel og leggja Helgafell undir fót. Sem fyrr er öllum frjálst að slást í hópinn.
Tobba verður með hlaupabolina fyrir æfingu á þriðjudag, fyrir þau ykkar sem eigið eftir að nálgast þá. Eftir það mun Heiðar vera með þá og getið þið nálgast þá hjá honum.
Minnum á Fésbókarsíðu hlaupahópsins, og endilega takð þátt í umræðunni sem þar fer fram.
Þetta verður ljómandi hlaupavika – komaso!